ABŞ Daxili Təhlükəsizlik Katibi Kristi Noem venesuelalı miqrantların bir qisminin El Salvadora deportasiya ediləcəyini bildirib. O, NBC News-a açıqlamasında qərarın şəxsən ona məxsus olduğunu vurğulayıb və “təhlükəli cinayətkarların ölkədən çıxarılmasının davam etdiriləcəyini” deyib.
Noem, deportasiyaları dayandıran federal məhkəmə qərarına əməl edib-etmədiyi ilə bağlı suala “Xeyr” cavabını verərək hakimləri “radikal qərarlar verməkdə” ittiham edib. Ədliyyə Nazirliyi isə qeyd edib ki, Noem bu ilin əvvəlində Tren de Aragua dəstəsinin üzvü olmaqda şübhəli bilinən venesuelalıların deportasiyasını dayandıran məhkəmə qərarına tabe olmayıb.
Sentyabrda ABŞ Federal Apelyasiya Məhkəməsi Tramp administrasiyasının müharibə dövrünə aid “Yadplanetli Düşmənləri Qanunu”nu tətbiq edərək immiqrantları deportasiya edə bilməyəcəyinə qərar vermişdi. Buna baxmayaraq, administrasiya MS-13 və Tren de Aragua kimi Latın Amerikasının ən təhlükəli dəstələrini “xarici terror təşkilatları” siyahısına salmış və həmin şəxslərin El Salvadora göndərilməsini sürətləndirmişdi.
Gərginlik fonunda Tramp sosial mediada ABŞ dəniz qüvvələrinin Venesuela sahillərində Tren de Aragua dəstəsinə qarşı hücuma başladığını iddia edib. Venesuela isə yayılan videonun “böyük ehtimalla süni intellektlə yaradıldığını” açıqlayıb.
Mənbə: Ensonhaber