Bugun.tv xəbər verir ki, aerobika gimnastlarımız Slovakiyanın paytaxtı Bratislavada beynəlxalq turnirə hazırlaşır.
Azərbaycan Gimnastika Federasiyasının məlumatına əsasən, sayca 24-cü dəfə keçiriləcək turnirdə Azərbaycan idmançıları da güclərini sınayacaqlar.
Yığma komandamızın üzvləri Leyla Bejanova, Arzu Ağayeva və Xədicə Quliyeva Slovakiyada medal qazanmağa çalışacaqlar. Turnir martın 31-dən aprelin 2-dək davam edəcək.
Qeyd edilib ki, artıq komandamız Slovakiyaya yola düşüb.