Bugun.tv xəbər verir ki, Ağ Ev NASA-ya Ayda vaxtı təyin etmək tapşırığı verib. Bunun üçün öncə ay mərkəzli Vaxta istinad sistemi yaradılmalıdır.
NASA 2026-cı ilin sentyabrından başlayaraq Artemis proqramı vasitəsilə kosmosa astronavt göndərməyi planlaşdırır. Bu proqram həmçinin Ay bazasının yaradılmasına xidmət edir.
Qurum rəsmiləri bildirib ki, vahid Ay vaxtı standartı olmadan kosmik gəmilər arasında məlumat ötürülməsi – Yer, Ay peykləri, bazalar və astronavtlar arasında əlaqənin sinxronlaşdırılmasını təhlükəsiz təmin etmək çətin olacaq.
Vaxt uyğunsuzluğu həm də Ay ətrafında və ya orbitdə yerlərin xəritələşdirilməsi və yerləşdirilməsi səhvlərinə səbəb ola bilər.
Qeyd edək ki, Ayda cazibə qüvvəsi az olduğundan Yerlə müqayisədə orada vaxt bir qədər tez keçir.
Müxbir: Şəms Elnurqızı