ABŞ-da avtomobil Ağ Evin kampusunun təhlükəsizlik baryerlərinə çırpılıb. Qəzaya uğrayan avtomobilin sürücüsü dünyasını dəyişib.
ABŞ Gizli Xidmətindən verilən yazılı açıqlamada Vaşinqtonda yerli vaxtla saat 22.30-da yüksək sürətlə gələn avtomobilin Ağ Ev şəhərciyinin təhlükəsizlik baryerlərinə çırpıldığı bildirilib.
Açıqlamada qəzadan sonra avtomobildə ölü tapılan sürücünün şəxsiyyətinin hələ müəyyən edilmədiyi, həyata keçirilən təhlükəsizlik protokollarına uyğun olaraq Ağ Ev üçün hər hansı təhlükənin aşkar edilmədiyi bildirilib.
Açıqlamada hadisə “sadəcə yol-nəqliyyat hadisəsi” kimi qiymətləndirilib və araşdırmanın polis tərəfindən aparılacağı qeyd edilib.
Mənbə: Ntv.Tr