Avropa İttifaqı və Ermənistan arasında imzalanmış “Avropa İttifaqı–Ermənistan Tərəfdaşlığı üçün Strateji Gündəlik” sənədinin bir sıra müddəaları Azərbaycana qarşı əsassız iddialar kimi qiymətləndirilir.
Bu şərhi siyasi ekspert Məhəmməd Əsədullazadə öz sosial media hesabında paylaşıb.
Ekspertin sözlərinə görə, Ermənistan hakimiyyəti sənəddəki problemli bəndləri dəyişməli və regionda sülhə mane olacaq addımlardan çəkinməlidir.
Məhəmməd Əsədullazadə hesab edir ki, Aİ-nin sənəddə Qarabağdan könüllü şəkildə köçən ermənilərlə bağlı işlətdiyi ifadələr revanşist dairələrə stimul verir. O, əlavə edib ki, belə yanaşma gələcəkdə Ermənistan tərəfindən Qarabağ mövzusunun yenidən gündəmə gətirilməsinə zəmin yarada və regionda gərginliyi artırmağa səbəb ola bilər.