Rusiya ilə Ukrayna arasında müharibənin mininci günündə video mesaj yayımlayan Ursula von der Leyen Ukraynaya “Nə qədər vaxt aparsa da, yanınızda olmağa davam edəcəyimizə söz veririk” deyib.
Rusiya ilə Ukrayna arasında müharibənin 1000-ci günüdür…
Bu kontekstdə Avropa İttifaqı (Aİ) Komissiyasının sədri Ursula fon der Leyen videomüraciət edib və Ukraynaya tam dəstək verdiyini bildirib.
Ursula fon der Leyen mesajında aşağıdakı ifadələri əlavə edib:
“1000 gün əvvəl Rusiya Ukraynanı xəritədən silməyə çalışdı və 1000 gündür Rusiya Ukraynanın müqaviməti və qəhrəmanların fədakarlığı ilə uduzur. Bu gün yas günüdür, həm də vəd günüdür. Nə qədər vaxt aparsa da, yanınızda olmağa davam edəcəyimizə söz veririk. Əmin olun ki, Avropa və Qərb dəstəyi davam edəcək.
Von der Leyen qış fəslinin Ukrayna xalqı üçün “qorxulu” ola biləcəyini vurğulayaraq, “Ancaq fırtınalı günlərdə əsl dostlar meydana çıxır. Avropa sizin əsl dostunuzdur, azadlığınızdır, bizim azadlığımızdır və Birliyimiz sizin evinizdir” deyib.
Aİ-DƏN UKRAYNAYA 88 MİLYARD AVRODAN DƏSTƏK
Aİ Komissiyasının məlumatlarına görə, 24 fevral 2022-ci ildə başlayan müharibədə Aİ Ukraynaya 88 milyard avrodan çox maliyyə, humanitar və hərbi dəstək verib.
Rusiyaya qarşı cəmi 14 sanksiya paketi qəbul edən Aİ, müharibədən qaçan təxminən 4,2 milyon ukraynalıya yaşayış, təhsil, səhiyyə və iş sahələrində xidmət göstərməyə davam edir.
Mənbə: Anadolu Agentliyi (AA)