Bugün.tv Anadolu xəbər agentliyinə istinadən xəbər verir ki, Aİ liderləri Rusiya-Ukrayna müharibəsini müzakirə etmək üçün bazar ertəsi iki günlük fövqəladə sammitə toplaşıblar.
Aİ-nin 27 dövlət və hökumət başçısı iclasa Ukraynada baş verən son hadisələri və blokun ölkəyə yardım səylərini müzakirə etməklə başlayacaq.
Liderlər Avropa Komissiyasının Ukraynaya təcili likvidlik ehtiyaclarını ödəmək üçün əlavə 9 milyard avro (9,6 milyard dollar) makro-maliyyə yardımı göstərməklə bağlı son təklifini qiymətləndirəcəklər.
Onların həmçinin, Aİ-nin icra hakimiyyətinin çərşənbə günü Aİ sanksiyalarını pozan oliqarxların aktivlərinin müsadirə edilməsini nəzərdə tutan layihə paketini təqdim etməsindən sonra Rusiyanın dondurulmuş aktivlərinin gələcəyini qiymətləndirəcəkləri gözlənilir.
Avropa Komissiyasının sədri Ursula fon der Leyen də əvvəllər qanuni imkan daxilində dondurulmuş Rusiya aktivlərindən Ukraynanın bərpası üçün istifadə etməyi təklif etmişdi.
Ukrayna prezidenti Vladimir Zelenski danışıqların bir hissəsi üçün videobağlantı vasitəsilə Aİ həmkarlarına qoşulacaq.