Keçmiş SSRİ-nin Rumıniya ilə sərhədində yerləşən Moldova Respublikasında ötən gün keçirilən prezident seçkilərinin ikinci turunda Avropayönlü prezident Maia Sandu qalib gəlib.
55 faiz səs toplayan Sandu qələbə nitqində xarici güclərin intensiv dağıdıcı fəaliyyətinə baxmayaraq ölkəsinin Qərbi seçdiyini bəyan edib. Seçkilərin ikinci turunda Sandu Rusiyayönlü olduğu bilinən Qaqauz əsilli Moldovanın keçmiş baş prokuroru Aleksandr Stoyanoğlu ilə yarışıb və Moldovada çoxluğu Stoyanoğluna uduzub. Lakin xaricdə yaşayan moldovalıların verdiyi səslər hesablananda Sandu 55 faiz səslə rəqibindən 10 faizlik fərqlə 2,5 milyonluq ölkə lideri olub.
İNDİ BİRLİK ZAMANIDIR
Nəticə açıqlanarkən zəfər nitqi söyləyən Maia Sandu, “Artıq seçki qarışıqlığını geridə qoyduq. İndi bütün ölkənin bir kimi işləmək vaxtıdır. Kimin məni dəstəkləyib, kimin əleyhimə səs verməsinin fərqi yoxdur. Mən bütün Moldovanın prezidenti olacağam” deyib.
Mənbə: Hurriyet.Tr