Bu qərara səbəb kimi Albaniya hakimiyyəti hökumətin kompüter sistemlərinə kiber hücumu göstərib, buna görə Tiran Tehranı günahlandırıb.
Bugün.tv TASS-a istinadən bildirir ki, Albaniya İranla diplomatik münasibətləri kəsmək qərarına gəlib. Bu barədə çərşənbə günü baş nazir Edi Rama məlumat verib.
“Nazirlər Şurası İran İslam Respublikası ilə diplomatik münasibətlərin kəsilməsinin lehinə qərar qəbul edib, [bu] dərhal qüvvəyə minir”, – bunu baş nazir hökumətin saytında yerləşdirilən bəyanatda bildirib.
İran səfirliyinə rəsmi bildiriş göndərilib ki, “bütün diplomatlar və diplomatik missiyanın əməkdaşları 24 saat ərzində ölkəni tərk etməlidirlər”, mətndə deyilir.