Hazırda cibimziə uyğun olmayan alçanı əksəriyyətimiz sevərək yeyirik. Bugun.tv də mövsümə uyğun olaraq, bu meyəvənin faydalarını araşdırıb.
Qeyd edək ki, alça qəbizlikdən qorumaqla yanaşı, immunitetin nizamlı işləməsini şərait yaradır. Astma və bronxit kimi xəstəliklərdən qoruyur, xərçəngə qarşı faydası var.
Fosforla çox zəngin olan alça orqanizmin dəmiri mənimsəmə qabiliyyətini artırır və qan dövranını yaxşılaşdırır. Dərinin tonunu normalaşdırır, onu yeniləyir və ləkələri aradan qaldırmağa kömək edir.
Amma alçanı duzla yeyənlərə bəd xəbərimiz var. Mütəxəssislər bunu yanlış hesab edirlər. Onlar bu halda bədənimizə ödem yığıldığını deyirlər.
Bundan əlavə, alça ilə həddindən artıq duz yemək qan təzyiqini artırır və böyrəklərin yüklənməsinə səbəb olur. Buna görə də, bədən sağlamlığınız üçün bu meyvəni duzsuz istehlak etmək məsləhət görülür.
Mənbə: En son haber