İnsan xəstələnəndə, bədənin bol miqdarda C vitamini almasını təmin etmək üçün ona daha çox limon yeməyi və turş meyvə içkiləri içməyi məsləhət görürlər. Lakin bu, soyuqdəyməni tez bir zamanda sağaltmır və ya onun qarşısını almağa kömək etmir.
London İmperial Kollecinin biologiya elmləri kafedrasının müdiri Daniel M. Davies C vitamininin faydalarını müzakirə edib və onları onunla əlaqəli miflərdən ayırıb.
The Guardian qəzeti soyuqdəymə zamanı vitaminlərin əhəmiyyətini müzakirə edir.
Vitaminlərin öyrənilməsinə əhəmiyyətli töhfələr vermiş iki dəfə Nobel mükafatı laureatı olan kimyaçı Linus Paulinqin kitabından sonra C vitamininin vacib soyuqdəymə müalicəsi kimi populyarlığı artıb.
Onun “C vitamini və adi soyuqdəymə” kitabı vitaminə o qədər tələbat yaratdı ki, onu istehsal etmək üçün fabriklər tikilməli olub.
Lakin, tədqiqatlar göstərir ki, C vitamini soyuqdəyməyə qarşı 100% zəmanət vermir və xəstəliyin müddətini yalnız 8% azaldır.
Bundan əlavə, bu məlumatları təhlil etmək çətindir, çünki C vitamini əksər hallarda sağlamlığına diqqət yetirən insanlar tərəfindən qəbul edilir.
Devis özünün “Özünü Müdafiə: İmmun Sisteminizi Gücləndirmək üçün Mifləri Təhlil Edən Təlimat” kitabında hüceyrələri zərərli birləşmələrdən qoruyan, dəmiri udmağa kömək edən və kollagen istehsalında iştirak edən C vitamininin əhəmiyyətini kiçiltmir.
Lakin, soyuqdəymədən daha effektiv qorunma üçün müəllif qışda müntəzəm olaraq D vitamini qəbul etməyi tövsiyə edir ki, bunun immunitet üçün faydaları elm adamları tərəfindən dəfələrlə sübut edilmişdir.
Mənbə: mail.ru