“Yuventus”un baş məşqçisi Massimiliano Alleqri postunu tərk edəcək. Bugun.tv xəbər verir ki, bu barədə jurnalist Mauritsio Pistoçio məlumat yayıb.
Onun sözlərinə görə, Turin klubu tezliklə yeni məşqçi axtarışına başlayacaq.
Qeyd edək ki, 55 yaşlı mütəxəssisin “Yuventus”la müqaviləsi 30 iyun 2025-ci ilə qədərdir.
Turin komandası 62 xalla 7-ci yerdə qərarlaşıb. Byankonerilər Konfrans Liqasında (2023-2024) çıxış edəcək. Çempionat zamanı “Yuventus”dan on xal silinib. Komanda Çempionlar Liqasının qrup mərhələsindən kənarda qalıb, daha sonra Avropa Liqasının yarımfinalına yüksəlib. İtaliya kubokunda “Yuventus” yarımfinalda mübarizəni dayandırıb.
Xatırladaq ki, Massimiliano Alleqri bundan əvvəl “Milan”, “Kalyari”, “Sassuolo”, “Udineze” və digər İtaliya klublarına rəhbərlik edib.