19 C
Baku
8 Sentyabr 2024, 4:07
Baş xəbərTexnologiya

Amerikalı astronavtların Aya enişi 2026-cı ilin sentyabrınadək təxirə salındı

ABŞ Milli Aeronavtika və Kosmik Tədqiqatlar İdarəsi (NASA) “Artemida 2” və “Artemida 3” Ay missiyalarının buraxılışını bir il gecikdirib.

Bugun.tv xəbər verir ki, bunu agentliyin direktoru Bill Nelson onlayn konfransda deyib.

“Təhlükəsizlik bizim əsas prioritetimizdir və biz “Artemida” komandalarına erkən inkişaf, əməliyyatlar və inteqrasiya ilə bağlı çətinlikləri aradan qaldırmaq üçün daha çox vaxt vermək istəyirik. “Artemida 2” missiyası indi 2025-ci ilin sentyabrına, “Artemida 3” missiyası isə 2026-cı ilin sentyabrına planlaşdırılır. Bu da insanların Ayın cənub qütbünə ilk dəfə enməsi olacaq. “Artemida 4” missiyası 2028-ci ilin sentyabr ayına nəzərdə tutulub”, – deyə B.Nelson bildirib.

Qeyd edək ki, NASA 2019-cu ilin yazında üç mərhələdən ibarət “Artemida” Ay proqramı layihəsini elan edib. Bunlardan birincisi (“Artemida 1) “Orion” kosmik gəmisinin Ay ətrafında pilotsuz uçuşunu və onun Yerə qayıtmasını nəzərdə tutur. İkinci mərhələ (Artemida 2) göyərtəsində ekipajı olan gəminin Yerin təbii peyki ətrafında uçuşudur. Missiyanın üçüncü mərhələsi (Artemida 3) NASA astronavtlarının təxminən 2030-cu illərin ortalarında Aya endirmək və onları Marsa göndərməkdir.

İntizar Əmirova

Oxşar xəbərlər

Zəncirvari qəza nəqliyyatı kəsdi

İntizar Əmirova

Robert De Nironun nəvəsi narkotik olan bir evdə ölü tapıldı

Kəmalə Sultan

“Qafqaz regionunda davamlı sülhə nail olmaq üçün açardır”

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu