Bugun.tv – xəbər verir ki, araşdırmaçı jurnalist Anar Tağıyev bu dəfə öz sosial media hesabında Hindistanın dünya üzrə məşhur aktyoru Amriş Puridən yazıb:
“Uşaqlıq illərimizin qorxulu aktyoru, əslində ixtisasca iqtisadçı, xeyriyyəçi olan Amriş Purinin (1932-2005) doğum günüdür. Aktyor özü deyirdi: “Tamaşaçılar elə bilirlər ki, filmlərdə mənfi rol oynayan aktyorlar həyatda da pis insan olurlar. Kinoda işimiz – çəkilişlərimiz bitəndən sonra həyatdakı “pis rol”umuzu oynamağa başlayırıq. Belə ki, bəzən küçələrdə, ictimai yerlərdə bizə yenə pis insan kimi nəzər yetirirlər. Sənə kinodakı işinə görə sağ ol demək əvəzinə nifrətlə yanaşırlar”.
O, uzun illər kinorejissorlardan rədd cavabı alıb, ulduzu 40 yaşından sonra parlayıb, zalım obrazları canlandırsa da, həyatda xeyirxah insan olub, xeyriyyə tədbirlərində iştirak edərək insanlara yardım göstərib, Hollivuda ilk dəvət alan Bollivud aktyoru olub. 50 il ərzində 400 filmə çəkilmiş hind aktyoru, eyni zamanda Hindistanın Əmək Nazirliyinin məsul vəzifəli şəxsi, gəmiçilik biznesi ilə məşğul olub”.