Kvinslenddə izləyicilərindən ianə toplamaq üçün 1 yaşlı körpəsini ona verdiyi dərmanlarla zəhərləyən sosial media fenomeni ana nəzarətə götürülüb.
Bu hadisənin ünvanı Avstraliyadır.
Avstraliya mətbuatında yer alan xəbərlərə görə, 34 yaşlı sosial media fenomeni qadın körpəsinin ölümcül bir xəstəliklə mübarizə apardığını iddia edib və “böyük çətinlik içində olan körpəsinin şəkillərini və fotoşəkillərini paylaşaraq izləyicilərindən ianə istəyib”.
2024-cü ilin oktyabrında körpə səhhətində ciddi problemə görə xəstəxanaya yerləşdirildikdən sonra Brisben şəhərindəki xəstəxananın tibb işçiləri qadının törətdiyi cinayəti aşkar ediblər.
Səlahiyyətlilər, körpəyə ötən il avqustun 6-dan oktyabrın 15-dək həkim icazəsi olmadan bir neçə dərman verildiyini üzə çıxarıb.
İzləyicilərindən ianə toplamaq üçün ona verdiyi dərmanlarla 1 yaşlı körpəni zəhərlədiyi aşkarlanan qadın polis tərəfindən saxlanılıb.
Qadının izləyicilərindən 37 min dollardan çox ianə topladığı qeyd edilib.
İşgəncə, zəhərlənmə, uşaq istismarı və dələduzluqda ittiham olunan qadının sabah məhkəmə qarşısına çıxacağı gözlənilir.
Mənbə: EnSonHaber