Bakı İstintaq təcridxanasına qadağan olunmuş əşyaların keçirilməsi cəhdinin qarşısı alınıb.
Penitensiar xidmətin məlumatına görə, 2 il müddətinə azadlıqdan məhrum edilmiş və hazırda Bakı İstintaq təcridxanasında saxlanılan məhkum Ramil Nazim oğlu Bayramovla qısamüddətli görüşə gəlmiş anası Bakı şəhər sakini Cəmilə Bayramovanın gətirdiyi sovqata baxış keçirilib. Bu zaman orada olan cins şalvarın tikiş hissəsinin arasında xüsusi üsulla gizlədilmiş bükülülərdə ümumi çəkisi 0,692 qram olan narkotik maddə – heroin və ümumi çəkisi 0,195 qram olan psixotrop maddə – metamfetamin (patı) aşkar edilib.
Faktla bağlı araşdırma aparılır.