Bugun.tv xəbər verir ki, Bilkent Universitetində Türk Musiqisi Ansamblının ifasında Azərbaycan mahnılarından ibarət konsert proqramı keçirilib.
Bu haqda ansamblın üzvləri məlumat verib. Bildirilib ki, repertuarda “Ayrılıq” kimi lirik mahnılarla yanaşı, “Yandırdın qəbimi”i kimi canlı mahnılar da yer alıb. Konsert cümbüş, ud və bendir kimi ənənəvi türk musiqi alətləri ilə yanaşı, qarmon və piano kimi qərb musiqi alətləri ilə müşayət olunub.
Mahnıların hazırlanmasında isə qrupun təşkilatçılığına məsul şəxslərin – Kazım Tuğşad Koyuncu ilə Həsən Selçuk Kılıçın rolu böyük olub.
“Belə tədbirlərin keçirilməsində əsas məqsəd Bilkent Universiteti ictimaiyyətinə dinləməkdən zövq aldıqları Azərbaycan mahnılarını tanıtmaq və gözəl konsert təqdim etməkdir”,- məlumatda qeyd olunub.
Ankarada Azərbaycan mahnılarından ibarət konsert keçirilib
