Bugun.tv xəbər verir ki, son aylar Antalyaya hava yolu ilə gələn turistlərin sayı sürətlə artıb. Antalya Qubernatorluğu İl Mədəniyyət və Turizm Müdirliyinin “TRT Haber”ə verdiyi məlumatlarına görə, dənizi, qumu, günəşi və təbii gözəllikləri ilə Aralıq dənizinin ən əhəmiyyətli turizm mərkəzlərindən biri olan Antalyada 2023-cü il turizm məlumatlarında artım davam edir.
2023-cü il yanvarın 1-dən avqustun 10-dək Antalyaya hava yolu ilə gələn turistlərin sayı 9 milyon 56 min 921 olub. Antalya turizmdə rekordlar ili adlandırılan 2019-cu ili geridə qoyub.
Yerli və xarici turistlərin diqqət mərkəzində olan Antalyada 2023-cü ilin turizm məlumatları 1-10 avqust 2022-ci illə müqayisədə yüzdə 21 artıb. Avqustun ilk 10 gününə əsasən, 2022-ci illə müqayisədə 11 faiz artaraq 872 min 833 olub.
Müxbir: İntizar Əmirova