Dünyanın ən böyük şirkəti olan Apple, səhmlərinin artması sayəsində indi ən dəyərli şirkətdir. Texnologiya nəhəngi Apple, səhm qiymətlərində rekord artımla bazar dəyərini 3,6 trilyon dollara yüksəldərək, bütün zamanların ən yüksək səviyyəsinə çatdı.
2,7 faiz artaraq 237,49 dollara çatan Apple səhmləri, süni intellektə əsaslanan iPhone 16-nın satışa çıxarılmasından sonra başlayan yüksəliş trendini davam etdirir.
Apple səhmləri son üç ayda ilk dəfə rekord həddə çatıb. Səhmlər hazırda 231,78 dollara satılır və iyulun 16-da qeydə alınan rekord bağlanış qiyməti olan 234,82 dolları ötməyə hazırlaşır.
Apple-ın bazar dəyəri 3,61 trilyon dollara çataraq, açıq bir şirkət tərəfindən qeydə alınan ən yüksək qiymətləndirmə rekordunu qırdı.
Bu rekord şirkətin iyulda müəyyən etdiyi əvvəlki rekordu üstələyib.
Apple səhmlərindəki bu artımın tək səbəbi yoxdur. Böyük texnologiya şirkətlərinin səhmlərində ümumiyyətlə rallinin olmadığı bir dövrdə Apple-ın bu uğuru diqqət çəkir.
Nvidia, Microsoft, Alphabet, Amazon və Meta kimi trilyon dollarlıq şirkətlərin səhmləri azalarkən, Apple-ın yüksəlişi iPhone 16 ilə bağlı müsbət gözləntilərlə əlaqələndirilir.
Mənbə: EnSonHaber