Sabah Bakıvə Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gündüz yarımadanın bəzi yerlərində az yağış yağacağı ehtimalı var. Arabir güclənən şimal-qərb küləyi əsəcək.
Eyni zamanda Milli Hidrometeorologiya Xidmətinin Bugun.tv-yə verdiyi məlumata görə, havanın temperaturu gecə 10-12°, gündüz 15-19° isti olacaq. Atmosfer təzyiqi 767 mm civə sütunundan 772 mm civə sütununa yüksələcək. Nisbi rütubət isə 65-75 % olacaq.
Qeyd edək ki, rayonlarında hava əsasən yağmursuz keçəcək. Lakin gündüz bəzi yerlərdə arabir yağıntılı olacağı ehtimalı var. Ayrı-ayrı yerlərdə arabir duman və şərq küləyi gözlənilir.
Havanın temperaturu gecə 8-13°, gündüz 17-22° isti, dağlarda gecə 0-5°, gündüz 5-10° isti olacaq.