Buenos-Ayres əyalət polisinin verdiyi açıqlamada, daşqınların vurduğu liman şəhəri Bahia Blancada ölənlərin sayının artdığı bildirilib.
Açıqlamada, daşqınlarda həyatını itirənlərin sayının 16-ya yüksəldiyi, axtarış-xilasetmə işlərinin fasiləsiz davam etdiyi bildirilib. Evlərin və iş yerlərinin su altında qaldığı Bahia Blancada elektrikin hələ də kəsildiyi və suyun çəkiləcəyi gözlənildiyi paylaşılıb. Təhlükəsizlik naziri Patrisiya Bullriç və müdafiə naziri Luis Petri daşqının baş verdiyi Bahia Blancaya baxış keçirib.
Yerli mətbuatın məlumatına görə, Bahia Blanca şəhərində təxliyə edilənlərin sayı 900-ü keçib.
Mənbə: TgrtHaber