Tayland və Kamboca arasında Malayziyada əldə edilən atəşkəs razılaşmasına baxmayaraq, sərhəddə qarşıdurmaların davam etməsindən sonra Tailand bəyanat yayıb.
Bəyanatda hücumun “atəşkəsin açıq şəkildə pozulması” olduğu vurğulanıb.Tailandın Xarici İşlər Nazirliyi, Kamboca qüvvələrinin çərşənbə axşamı qüvvəyə minmiş atəşkəsə baxmayaraq, ara-sıra hücumlara davam etdiyini bildirib.
Bu gün yayımlanan son bəyanatda Tailand mövqelərinin atıcı silahlar və qumbaraatanlarla hədəf alındığı, hücumların gecə boyu davam etdiyi bildirilib.
Bəyanatda bu hücumların “atəşkəsin açıq şəkildə pozulması” olduğu vurğulanıb. Tailand ordusunun razılaşmaya əməl etməyə davam etdiyi qeyd edilib.
Tailand hökumətinin sözçüsü Jirayu Huanqsab gecədə baş verən toqquşmaları təsdiqləyərək, Tailand qoşunlarının nəzarətdə olduğunu və “sərhəddəki ümumi vəziyyətin çərşənbə günü səhər saatlarından normala döndüyünü” bildirib.
Kamboca tərəfi bundan əvvəl atəşkəs rejiminin pozulması ilə bağlı iddiaları təkzib etmişdi.
43 İNSAN HƏYATINI İTİRDİ
Mayın 28-də başlayan və 5 gün davam edən şiddətli qarşıdurmalarda hər iki ölkədən ən azı 43 nəfər həyatını itirib. Sərhəd bölgəsindən 300 mindən çox dinc sakin təxliyə edilib.
Tailand mülki və hərbi itkilərə görə Kambocanı qəti şəkildə günahlandırdı, lakin Kamboca tərəfi bu iddiaları rədd etdi.
Atəşkəs razılaşması çərşənbə axşamı, iyulun 29-da tərəflərin Malayziyadakı görüşündən sonra, ABŞ prezidenti Donald Tramp və Malayziyanın baş naziri Ənvər İbrahimin müdaxiləsi ilə qüvvəyə minib.
Sərhəd komandirləri arasında görüşlər çərşənbə axşamı planlaşdırıldığı kimi baş tutub və tərəflərin ya qoşunlarını gücləndirəcəkləri, ya da hərəkətlərini dayandıracaqları açıqlanıb.
Bununla belə, Tailand Xarici İşlər Nazirliyinin sözçüsü Maratee Nalita Andamo xəbərdarlıq edib ki, “Sərhəddəki vəziyyət atəşkəsin ilk günlərində olduqca kövrək olaraq qalır”.
Ekspertlər Taylandın və Kambocanın ABŞ ilə imzalamağı planlaşdırdıqları ticarət müqavilələrinə xələl gətirməmək üçün böhranı diplomatik yollarla həll etməyə can atdıqlarına inansalar da, sərhəddəki son hadisələr bu diplomatik səylərin uzunömürlülüyü ilə bağlı suallar doğurur.
Mənbə: EnSonHaber