“Torino” rusiyalı yarımmüdafiəçi Aleksey Mirançukun satın alınması məsələsində “Atalanta” ilə razılığa gələ bilmir. Bugun.tv xəbər verir ki, bu barədə Calciomercato.com məlumat yayıb.
Mənbə bildirir ki, Turin klubu 27 yaşlı futbolçunu heyətinə qatmaq üçün israrlıdır. Mirançukun özünün arzusu karyerasını “Torino” mentoru İvan Yuriçin rəhbərliyi altında davam etdirməkdir.
Sözügedən futbolçu daha əvvəl “Torino”da çıxış edərkən 31 matçda 4 qol vurub, 6 məhsuldar ötürmə edib. Qeyd edək ki, onun “Atalanta” ilə müqaviləsi 2024-cü ilin yayına qədərdir.
Xatırladaq ki, Aleksey Mirançuk karyerasına “Olimp” (Slavyansk-na-Kuban) və “Spartak”da başlayıb.