Baş xəbər

“Autizmli Uşaqların Səsi Olun!” adlı 5-ci Beynəlxalq Autizm Konfransı keçirilib – FOTO

Bu gün Autizmlə Mübarizə İctimai Birliyinin təşəbbüsü ilə “2 Aprel – Dünya Autizm Məlumatlandırma Gününə” həsr olunmuş “Autizmli Uşaqların Səsi Olun!” adlı 5-ci Beynəlxalq Autizm Konfransı keçirilib. Bu konfransda yerli və xarici mütəxəssislər iştirak edərək, autizm spektr pozuntuları ilə bağlı ən aktual məsələləri müzakirə ediblər.

Bugun.tv xəbər verir ki, konfrans çərçivəsində “Sağlamlığın Qorunması” İctimai Birliyinin sədri, t.e.d Yazgül Abdiyeva çıxış edərək “Autizmli uşaqlara sağlam baxış” mövzusunda fikirlərini bölüşüb. O, autizmli uşaqların sosial adaptasiyası, tibbi və psixoloji dəstək imkanları, eləcə də valideynlərin maarifləndirilməsinin əhəmiyyətini vurğulayıb. Yazgül Abdiyeva, həmçinin beynəlxalq təcrübədən nümunələr gətirərək, autizmli uşaqlara yanaşmada tətbiq edilən müasir metodlar haqqında danışıb.

Autizmli şəxslərin cəmiyyətə inteqrasiyasını dəstəkləmək və onların hüquqlarını qorumaq “Sağlamlığın Qorunması” İctimai Birliyinin də daim diqqət mərkəzindədir.

Qeyd edək ki, Autizmlə Mübarizə İctimai Birliyinin rəhbəri Çiçək Qəzənfərqızı illərdir autizmli uşaqların hüquqlarının müdafiəsi, onların cəmiyyətə inteqrasiyası və valideynlərin maarifləndirilməsi istiqamətində mühüm fəaliyyət göstərir. Onun təşəbbüsü ilə hər il bu sahəyə həsr olunmuş beynəlxalq və yerli konfranslar, seminarlar və maarifləndirici tədbirlər keçirilir.

Konfrans çərçivəsində Autizmlə Mübarizə İctimai Birliyinin rəhbəri Çiçək Qəzənfərqızı tərəfindən “Sağlamlığın Qorunması” İctimai Birliyinin sədri Yazgül Abdiyevaya təşəkkürnamə təqdim edilib.

Həmçinin, konfransda Azərbaycan Tibb Universitetinin professoru, əməkdar həkim, Azərbaycan Psixiatriya Assosiasiyasının prezidenti Nadir İsmayılov “Autizm spektr pozuntusu” mövzusunda çıxış edərək, autizmin tibbi və psixoloji aspektlərini, müasir diaqnostika və müalicə metodlarını ətraflı izah edib.

Bundan əlavə, konfransda ABA terapiya Mərdəliyeva Fidan, klinik ailə loqoped Ələkbarova Aygün və digər məruzəçilər çıxış ediblər.

Tədbirdə autizmli uşaqların rəsm əsərləri, əl işləri sərgisi olub.

Həmçinin qeyd edək ki, 2021-ci il dekabrın 31-də Heydər Əliyev Fondunun təşəbbüsü ilə Bakının Nizami rayonunda Autizm Mərkəzinin binası istifadəyə verilib. Bu mərkəz autizm spektr pozuntusu olan uşaqlara dəstək göstərmək, onların sosial inteqrasiyasını və inkişafını təmin etmək məqsədilə fəaliyyət göstərir.

Bundan əlavə, Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin sifarişi ilə autizmli uşaqlar üçün “AutizmDERS” mobil tətbiqi və www.autizmders.az saytı yaradılıb. Layihənin əsas məqsədi sağlamlıq imkanları məhdud uşaqların sosial reabilitasiyası istiqamətində valideynlərin bacarıqlarını artırmaq və bu sahədə innovativ həllərin tətbiqini genişləndirməkdir.

Bütün bunlar göstərir ki, dövlət autizm spektr pozuntusu olan uşaqların sosial inteqrasiyasına, onların reabilitasiyasına və valideynlərin maarifləndirilməsinə xüsusi diqqət ayırır. Dövlət tərəfindən həyata keçirilən bu təşəbbüslər autizmli uşaqların cəmiyyətə daha uğurlu şəkildə adaptasiya olunmasına və onların inkişafına dəstək olmaq məqsədi daşıyır.

 

Aynur Camal

Oxşar xəbərlər

Yenotlar evə basqın etdilər: Polis köməyə gəldi

Aynur Camal

Ormana kəndi BMT tərəfindən ən yaxşı turizm kəndi seçildi – Fotolar

Aynur Camal

Yeni texnologiya sağlamlığınıza barmaqlarınızın ucundan nəzarət edəcək

Aynur Camal

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu