Bugun.tv xəbər verir ki, mayın 3-də Bakı şəhəri Fəvvarələr meydanında Gənclər və İdman Nazirliyinin dəstəyi, Azərbaycan Autizm Assosiasiyasının təşkilatçılığı ilə “III Azərbaycan Autizm Festivalı” olacaq.
Bu barədə məlumatı Azərbaycan Autizm Assosiasiyasının sədri Elnur Məmmədli verib.
Onun sözlərinə görə, festivalda autizmlə bağlı fəaliyyət göstərən reabilitasiya mərkəzləri və idman klubları öz işlərini ictimaiyyətin diqqətinə çatdıracaqlar. Bundan başqa autizmli uşaqlar və ailələr də tədbirdə iştirak edəcəklər.
“Festivalın keçirilməsində əsas məqsəd Autizm sindromu haqqında ictimaiyyəti məlumatlandırmaq və bu sahəyə diqqəti cəlb etməkdir. Gəlin, həmin gün onları tək qoymayaq”,- Azərbaycan Autizm Assosiasiyasının sədri Elnur Məmmədli ictimaiyyətə çağırış edib.