Serbiyada keçirilən məktəbli yeniyetmələr arasında boks üzrə Avropa birinciliyində Məmmədli Abbasəli erməni rəqibi üzərində qalib olub.
Bu gün idmançının qarşılanma mərasimi keçirilib.
Bugun.tv– xəbər verir ki, Məmmədli Abbasəli Uşaq-gənclər idman məktəbinin (UGİM) yetirməsidir. Mingəçevir 8 saylı məktəbin 8-ci sinif şagirdidir. Serbiyanın Zlatibor şəhərində məktəbli oğlan və qız boksçular arasında Avropa birinciliyində yarımfinal mərhələsi başa çatıb.
Qeyd edək ki, Azərbaycan millisi yarışı 3 qızıl, 10 gümüş və 9 bürünc medalla bitirib. Mingəçevirli boksçu Abbasəli Məmmədli bu yarışda erməni rəqibi üzərində qalib olaraq qızıl medal qazanıb.
Qarşılanma mərasimində Mərkəzi Aran Regional Gənclər və İdman İdarəsinin rəis müavini Kamal Nəcəfli çıxış edərək yeniyetmə idmançıya və onun məşqçi müəllimi Fazil Ruşanova, əməyi olan müəllimlərə, valideyinlərinə Mingəçevir ictimayyəti adından təşəkkürlərini bildirib.
Daha sonra çıxış edən Mingəçevir şəhər İcra Hakimiyyətinin ictimai-siyasi və humanitar məsələlər şöbəsi müdirinin müavini Elşən Əliyev icra başçısı İlham İsmayılovun adından gənc idmançını təbrik edib, ona gələcəkdə daha böyük naliyyətlər qazanmağı arzulayıb.
Eləcədə YAP Mingəçevir şəhər təşkilatının sədri Bəxtiyar Mustafayev, məşqçi müəllim Fazil Ruşanov çıxış edərək idmançını təbrik ediblər.
Qeyd edək ki, məşqçi müəllim Fazil Ruşanovun iki yetirməsi Əli Ruşanov, İbrahim Bədəlli MDB oyunlarında ölkəmizi təmsil edəcəklər. Gələn ayın 4-də Çin Respublikasına yola düşəcəklər.
Sonda idmançının uğurlarını qeyd etmək üçün tort kəsilib, qalib idmançını təbrik ediblər.
