Avropa İttifaqı liderləri ilin sonuna qədər Rusiyadan neft idxalını 90 faiz azaltmaq barədə razılığa gəliblər. Rusiyanın ən böyük banklarından biri olan Sberbank Ukraynanın işğalından sonra İttifaqın Rusiyaya qarşı elan etdiyi altıncı sanksiya paketi çərçivəsində beynəlxalq pul köçürmə sistemindən çıxarılacaq.
Bugün.tv Haber Turk-ə istinadən xəbər verir ki, Rusiya dövlətinin nəzarətində olan televiziya kanallarından üçü qadağan ediləcək.
Aİ Şurasının sədri Şarl Mişel və Avropa Komissiyasının sədri Ursula fon der Leyen Brüsseldə keçirilən Liderlər Zirvə toplantısından sonra mətbuat konfransında Aİ-nin qərarlarını ictimaiyyətə açıqlayıb.