Avropa İttifaqı və Azərbaycan arasında iqtisadi əməkdaşlığın genişləndirilməsi istiqamətində yeni addımlar atılır. Avropa İttifaqının rəsmi platforması olan EU Neighbours East saytının məlumatına görə, tərəflər investisiyaların artırılması və regional əlaqələndirmənin gücləndirilməsi məqsədilə əməkdaşlığı dərinləşdirməyə razılaşıblar.
Məlumata əsasən, bu əməkdaşlıq Aİ-nin “Global Gateway” təşəbbüsü çərçivəsində həyata keçiriləcək və əsasən nəqliyyat, enerji, rəqəmsal infrastruktur və dayanıqlı inkişaf sahələrini əhatə edəcək. Avropa rəsmiləri Azərbaycanın regionda strateji mövqeyini və Avropa-Asiya arasında mühüm tranzit rolunu xüsusi vurğulayıblar.
Azərbaycan tərəfi isə layihələrin ölkənin iqtisadi inkişafına, investisiya mühitinin yaxşılaşdırılmasına və beynəlxalq ticarət əlaqələrinin genişlənməsinə töhfə verəcəyini bildirib. Tərəflər qarşıdakı dövrdə konkret layihələr üzrə texniki və maliyyə mexanizmlərinin razılaşdırılacağını qeyd ediblər.
Bu əməkdaşlıq regionda iqtisadi sabitliyin möhkəmlənməsi və uzunmüddətli tərəfdaşlığın inkişafı baxımından əhəmiyyətli addım kimi qiymətləndirilir.
Mənbə: World News