Avropa Parlamenti Gürcüstanda seçkilərin yenilənməsinə çağırıb. Avropa Parlamentinin (AP) üzvləri oktyabrın 26-da Gürcüstanda keçirilən və nəticələri müxalifət tərəfindən qəbul edilməyən parlament seçkilərinin yenilənməsini tələb ediblər.
AP-nin verdiyi yazılı açıqlamaya görə, millət vəkilləri Gürcüstanda keçirilən son parlament seçkilərinin nəticələrini “qanunsuzluqlar” olduğu səbəbilə pisləyib və seçkilərin bir il ərzində beynəlxalq nəzarət altında yenidən keçirilməsini istəyiblər.
Sənədləşdirilmiş qanun pozuntuları arasında seçicilərin təhdid edilməsi, səslərin manipulyasiyası, seçki müşahidəçilərinə və KİV-ə müdaxilələr, elektron səsvermə aparatlarına müdaxilə kimi faktların olduğunu vurğulayan deputatlar seçkilərin nəticələrini “etibarsız” elan edib və beynəlxalq ictimaiyyəti bu nəticələri rədd etməyə çağırıblar.