Avropada qazın qiyməti 15% artdı

Bugun.tv xəbər verir ki, Avstraliyadakı mayeləşdirilmiş təbii qaz (LNG) obyektlərində tətil qeyri-müəyyənliyi fonunda Avropada təbii qaz qiymətləri sentyabr fyuçers müqavilələrində 15% artıb.

Bu gün meqavat-saat üçün 35,7 avrodan açılan qiymətlər, dünənki bağlanışla müqayisədə 39,4 avroya çatıb.

Avstraliyadakı LNG obyektlərində çalışanlara daha yaxşı iş və əmək haqqı şərtləri üçün tətillərin mümkünlüyü və tədarükün kəsilməsi ilə bağlı narahatlıqlar qiymət artımına təsir edib.

Qeyd edək ki, ötən həftənin ortalarından Avropada qiymətlərində dəyişikliklər baş verməkdədir.