Avstraliya Yaponiyanın “Mitsubishi Heavy Industries” şirkətindən 11 ədəd yeni nəsil freqat alacaq.
Bugun.tv xəbər verir ki, bu barədə Avstraliyanın müdafiə naziri Riçard Marls məlumat verib. Nazir bildirib ki, layihənin dəyəri 6 milyard dollardır. Məqsəd köhnə “Anzac” tipli gəmiləri əvəzləməkdir. Bu həm də Avstraliya ilə Yaponiya arasında müdafiə sənayesi sahəsində ən böyük müqavilədir.