Bugun.tv-nin əldə etdiyi məlumata görə, hadisə Yəməndə baş verib. Taiz şəhərini müvəqqəti paytaxt Ədənlə birləşdirən Heyce əl-Abd magistral yolunda sərnişin avtobusu aşıb. Qəzada 11 nəfər ölüb, digərləri isə xəsarət alıb.
Taizdəki Sevra xəstəxanasına yerləşdirilən yaralılardan bəzilərinin vəziyyətinin ağır olduğu bildirilir.
Heyce əl-Abd şossesində geniş qazıntılar və kələ-kötür döngələrə görə tez-tez yol qəzaları baş verir. Bu vəziyyət can itkisi ilə yanaşı, yük maşınlarının aşmasına və saatlarla hərəkətin dayanmasına səbəb olur. Vətəndaşlar Heyce əl-Abd avtomobil yolunun baxım və təmiri üçün illərdir çağırışlar edirlər.
Bildirilir ki, 2017-ci ilin yanvarından 2022-ci ilin iyununa qədər sözügedən yolda baş verən qəzalarda 123 nəfər ölüb, 470 nəfər yaralanıb.
Mənbə: TRT haber