Azərbaycanın xarici işlər naziri Bayramov Ermənistanla sülh sazişi mətninin bütün maddələri üzrə razılığa gəldiklərini açıqlayıb. Nazir Bayramov 12-ci Qlobal Bakı Forumu çərçivəsində jurnalistlərə açıqlama verib.
Ermənistanla sülh prosesinə toxunan V.Bayramov məlumat paylaşıb: “Sülh sazişinin mətni ilə bağlı danışıqlar başa çatıb. Razılaşdırılmamış 2 bənd qalıb. Ermənistan bu 2 bənd üzrə Azərbaycanın təkliflərini qəbul edib. Mətn üzərində iş başa çatıb”.
V.Bayramov bildirib ki, onların növbəti gözləntiləri Ermənistan konstitusiyasında və digər qanunvericilik aktlarında Azərbaycanın ərazi bütövlüyü və suverenliyinə zidd olan maddələrin götürülməsidir.
Ermənistan konstitusiyasına dəyişiklik edilməsinin sülh üçün zəruri şərtlərdən biri olduğunu vurğulayan V.Bayramov ATƏT-in Misnk Qrupuna da son qoyulmalı olduğunu bəyan edib.
Mənbə: TrtHaber