Azərbaycan Prezidenti İlham Əliyev Avropada Təhlükəsizlik və Əməkdaşlıq Təşkilatının (ATƏT) baş katibi Feridun Sinirlioğlunu qəbul edib.
Azərbaycan Prezidentinin mətbuat xidmətindən verilən məlumata görə, Əliyev Bakıya təmas üçün gələn Sinirlioğlu ilə görüşüb. Əliyev Sinirlioğlunu ATƏT-in baş katibi seçilməsi münasibətilə təbrik edib və ona uğurlar arzulayıb.
Ermənistanla sülh prosesinə toxunan Əliyev iki ölkə arasında problemlərin həlli üçün yaradılmış və heç bir uğur qazana bilməyən ATƏT-in Minsk Qrupunun artıq buraxılmasının vaxtının çatdığını və Ermənistanın bununla bağlı addımlar atmasını gözlədiklərini vurğulayıb.
Sinirlioğlu Cənubi Qafqazın ATƏT-in gündəmində mühüm regionlardan biri olduğunu deyib və Ermənistan və Azərbaycanı sülh müqaviləsinin mətni üzrə əldə olunan razılığa görə təbrik edib.
Görüşdə Azərbaycan ilə ATƏT arasında müxtəlif sahələrdə əməkdaşlıq məsələləri ətrafında fikir mübadiləsi aparılıb.
Mənbə: HaberGlobal