Azərbaycan fələstinlilərə yardım əlini uzatmaqda davam edir. İslam Əməkdaşlıq Təşkilatının Ciddə toplantısında çıxış edən Azərbaycanın xarici işlər naziri Ceyhun Bayramov Qəzzada baş verən humanitar böhrana diqqət çəkib. O, atəşkəsin beynəlxalq hüquqa əsaslanan davamlı sülh prosesinin başlanğıcı kimi əhəmiyyətini vurğulayıb. O, təkrar edib ki, Azərbaycan Fələstin-İsrail probleminin 2 dövlətli həllinin tərəfdarıdır.
“Qardaş Fələstin xalqına hər zaman dəstək göstərməyə hazırıq” deyən Bayramov, Azərbaycanın 2023-cü ildən bəri Fələstinə 2 milyon dollar yardım etdiyini diqqətə çatdırıb.
Azərbaycan Qəzza və Fələstin məsələsində Türkiyə ilə eyni mövqedədir. Azərbaycan prezidenti İlham Əliyev hər fürsətdə deyir ki, “Fələstin dövləti qurulmalı və Şərqi Qüds bu dövlətin paytaxtı olmalıdır”. O, həmçinin bildirir ki, Azərbaycan vasitəçi kimi prosesə töhfə verməyə hazırdır.
Mənbə: HaberGlobal