Sosial Tədqiqatlar Mərkəzinin (STM) sektor müdiri, politoloq Tural İsmayılov Bugun.tv-yə verdiyi müsahibəsində Ermənistanın xəbis mövqeyini davam etdirdiyini bildirdi:
“Mirzoyanın sonuncu açıqlaması Ermənistanın sülh və etimad mühitinin nə qədər təhlükəli bir tendensiya formalaşdırdığını ortaya qoydu. Bu gündə Ermənistanın Azərbaycana təklif etdiyi sülh çağırışlarına sözdə əməl etsədə reallıqda prosesin daha da dalana dirənməsinə səbəb olur. Mirzoyan yenədə heç bir ixtiyarı olmadan Azərbaycanın əraziləri ilə bağlı dırnaqarası mövqeyini ifadə edib. Maraqlı tendensiya odur ki, bu gün Ermənistan Zəngəzurda dəhlizin olmasına qarşı çıxır və öz nəzarət məntəqələrinin olmasından danışır. Həmçinin Azərbaycanın beynəlxalq aləmdə hüquqi ərazisi olan Laçında sərhəd buraxılış məntəqələrinin qurulması prosesini sabotaj edir. Hətta bütün dünya gördüyü kimi, Ermənistan Rusiya tərəfindən müharibə etməyə təhrik edilir. Lakin bilirik ki, bu ölkənin müharibə etməyə hazırda heç bir potensialı yoxdur. Münxen Təhlükəsizlik Konfransından və Aİ misiyası adı altında Ermənistanın casus şəbəkələrinə daxil olmasından bir gün sonra həm Ermənistandan Azərbaycana, həmdə Qarabağdakı separatçı terrorçular hansıki Rusiyanın istifadə etdiyi ərazilərmizdədirlər, onlar tərəfindən Ölkəmizə silah tuşlandı”.