Bugun.tv xəbər verir ki, Kürdəmir rayonunda 5,2 maqnitudalı zəlzələ olub. Məlumatı Azərbaycan Milli Elmlər Akademiyası nəzdində Respublika Seysmoloji Xidmət Mərkəzi yayıb.
Hadisə yerli vaxtla saat 20:35-də qeydə alınıb. Zəlzələnin episentri 52 km dərinlikdə olub. Zəlzələlərin tədqiqatı bürosunun məlumatına əsasən, zəlzələ Kürdəmir stansiyasından 14 km cənubda qeydə alınıb.
Zəlzələ episentrdə 5 bala qədər, Ağdam Qəbələ, İsmayıllı, Ağsu, Ucar, Göyçay, Bərdə, Ağdaş, Zərdab, Beyləqan, İmişli, Saatlı, Sabirabad, Biləsuvar, Cəlilabad rayonlarında 4-3 bala qədər hiss olunub.