Bugun.tv– xəbər verir ki, Azərbaycan Kənd Təsərrüfatı Nazirliyi ölkədə “Süni İntellektin Kənd Təsərrüfatında İstifadəsi” adlı yeni layihənin icrasına start verib.
Layihənin məqsədi aqrar sahədə suvarma, torpaq məhsuldarlığı və xəstəliklərin izlənməsi kimi prosesləri süni intellekt texnologiyaları vasitəsilə optimallaşdırmaqdır.
Kənd Təsərrüfatı Nazirliyidən verilən məlumata görə, ilkin mərhələdə 30-dan çox istifadə ssenarisi hazırlanıb.
Sistemlər torpağın vəziyyəti, su ehtiyatlarının idarə olunması və məhsul itkilərinin azaldılması üzrə analizlər aparacaq.
Layihə beynəlxalq tərəfdaşların iştirakı ilə həyata keçirilir və 2024-cü ilin sonuna qədər yerli fermerlərdən toplanan məlumat bazasına əsaslanacaq. Gözlənilir ki, bu təşəbbüs kənd təsərrüfatında məhsuldarlığı artırmaqla yanaşı, resursların daha səmərəli istifadəsini təmin edəcək.