Azərbaycan casusluq məqsədilə istifadə edildiyi bildirilən “Rus evi” kimi tanınan mərkəzin qanunvericiliyi pozduğunu iddia edib. Azərbaycan Xarici İşlər Nazirliyinin mətbuat xidmətinin rəhbəri Ayhan Hacızadə “Rus Mədəniyyət Mərkəzi”nin fəaliyyətinin dayandırılması ilə bağlı Rusiyaya nota göndərildiyini bildirib. Azərbaycan Xarici İşlər Nazirliyinin mətbuat xidmətinin rəhbəri Ayhan Hacızadə Bakıda fəaliyyət göstərən “Rus evi” kimi tanınan “Rus Mədəniyyət Mərkəzi”nin fəaliyyətinin dayandırılması ilə bağlı Rusiyaya nota göndərildiyini bildirib.
Hacızadə yazılı açıqlamasında Rusiya Federasiyasının Xaricdə Yaşayan Vətəndaşlar və Beynəlxalq Əməkdaşlıq üzrə Federal Agentliyinin (Rossotrudniçestvo) Azərbaycandakı nümayəndəsi olan Rus Mədəniyyət Mərkəzinin (Rus Evi) Azərbaycanda hüquqi şəxs kimi qeydiyyata alınmadığını və müvafiq qanunvericiliyi pozduğunu bildirib.
Azərbaycanda belə təşkilatların fəaliyyətinin milli qanunvericiliyə, ölkələr arasında qarşılıqlılıq prinsipinə və ikitərəfli səviyyədə əldə olunmuş razılaşmalara uyğun tənzimləndiyini deyən Hacızadə Rusiya Evinin fəaliyyətinin dayandırılması ilə bağlı Rusiyaya notanın göndərildiyini qeyd edib. Azərbaycan mətbuatında “Rus evi”nin mədəniyyət ocağı kimi deyil, casusluq məqsədi ilə istifadə edildiyi barədə məlumatlar yayılıb.
Mənbə: HurriYet