Hava Hücumundan Müdafiə bölmələrinin yüksək döyüş hazırlığı və sayıqlığı sayəsində avqustun 13-də Azərbaycan Ordusunun bölmələrinin mövqeləri üzərində kəşfiyyat uçuşları həyata keçirməyə cəhd göstərən qanunsuz Ermənistan silahlı birləşmələrinin kvadrokopteri xüsusi təyinatlılar tərəfindən aşkar edilərək ələ keçirilib.
Azərbaycan-Ermənistan dövlət sərhədində, eləcə də Rusiya sülhməramlılarının müvəqqəti dislokasiya
olunduğu Azərbaycan ərazisində döyüş növbətçiliyində olan Azərbaycan Ordusunun hərbçiləri istənilən təxribatın qarşısını almağa hazırdırlar.