Ermənistanın xarici işlər naziri Ararat Mirzoyan bildirib ki, Ermənistan və Azərbaycan tezliklə sülh razılaşması əldə edəcəklər. Mirzoyan çıxışında Türkiyəni də xatırladıb və “Ümid edirik ki, ilkin şərt olmadan münasibətləri həll etmək mümkün olacaq” deyib.
Ermənistanın xarici işlər naziri Ararat Mirzoyan parlamentdəki çıxışında Azərbaycanla Ermənistan arasında sülh sazişinə toxunub. Ermənistan və Azərbaycanın tezliklə sülh razılaşmasına nail olacağını bildirən Mirzoyan, “Ehtiyatlı nikbinliklə inanıram ki, yaxın gələcəkdə bir və ya iki qalan məqamda razılaşa və tam razılaşdırılmış sülh müqaviləsi əldə edə bilərik” deyib.
Mirzoyan əlavə edib ki, Bakı və İrəvan administrasiyaları tezliklə qarşılıqlı olaraq onlara demarkasiya komissiyalarının işi haqqında əsasnamənin təsdiq olunduğunu və beləliklə, prosesin davam etdiriləcəyini bildirəcəklər.
Ermənistan və Türkiyə arasında münasibətlərin normallaşdırılmasını fəal müzakirə etdiklərini əlavə edən Mirzoyan, “Ermənistan və Azərbaycan arasındakı bu prosesə Türkiyənin də bağlı olduğu heç kimə sirr deyil. Ümid edirik ki, ilkin şərt olmadan münasibətləri həll etmək mümkün olacaq” deyə bildirib.
Mənbə: TGRT