Bildiyimiz kimi Bakı şəhərində keçirilən D-8 İqtisadi Əməkdaşlıq Təşkilatının Gənclər Dialoqu 6 dekabr 2025-ci ildə rəsmi olaraq start götürüb və tədbir 9 dekabradək davam edəcək.
Bugun.tv– xəbər verir ki, Bakının ilk dəfə olaraq D-8 çərçivəsində gənclər dialoquna ev sahibliyi etməsi ilə əlamətdardır. Üzv dövlətlərin nümayəndələri, beynəlxalq ekspertlər və gənclər təşkilatlarının təmsilçiləri forumda geniş şəkildə iştirak edir.
Forumun açılışından etibarən urbanizasiya, davamlı şəhərləşmə, innovasiya mühiti, gənclərin məşğulluq imkanları kimi mövzularda panel müzakirələri aparılır. Mütəxəssislər gənclərin qlobal proseslərdə, xüsusilə də şəhər inkişafında və yeni texnologiyaların tətbiqində daha fəal rol almasının vacibliyini vurğulayırlar.
Bu gün tarixində iştirakçıları media və kommunikasiya, iqlim dəyişikliklərinə gənclərin adaptasiyası, şəhər nəqliyyatında davamlı modellər, həmçinin regional əməkdaşlıq üzrə sessiyalar gözləyir. Forum çərçivəsində, həmçinin Bakı şəhərində D-8 təşkilatının iqlim, media və nəqliyyat üzrə üç yeni mərkəzinin yaradılacağı açıqlanıb. Bu mərkəzlər üzv ölkələr arasında praktiki əməkdaşlığı və təcrübə mübadiləsini gücləndirməyi hədəfləyir.
