Azərbaycanla Rusiya arasında münasibətlər iki Azərbaycan vətəndaşının Rusiyada həbsdə ölməsindən sonra gərginləşib və Azərbaycan buna cavab olaraq Sputnik-in ofisinə basqın edib, rusiyalı jurnalistləri saxlayıb və mədəni tədbirləri ləğv edib.
Son günlər Azərbaycanla Rusiya arasında gərginlik sürətlə artıb.
Gərginliyi artıran hadisə iyunun 27-də Rusiyanın Yekaterinburq şəhərində baş verib. Rusiya Milli Qvardiyasının keçirdiyi əməliyyatlarda Azərbaycan vətəndaşı və ya Azərbaycan əsilli şəxslər keçmişdə başlanmış cinayət ittihamı ilə saxlanılıb.
Ticarətlə məşğul olan 59 yaşlı Hüseyn Səfərov saxlanıldığı polis bölməsində həyatını itirib. Onun qardaşı, 55 yaşlı taksi sürücüsü Ziyəddin Səfərov xidməti polis maşınındakı zorakılıq nəticəsində dünyasını dəyişib.
Bakı administrasiyası Rusiyanın Sputnik dövlət agentliyinin Azərbaycandakı ofisinə basqın edib və üç rusiyalı jurnalist saxlanılıb. Ölkədə keçiriləcək bütün Rusiya mədəni tədbirləri də ləğv edilib.
Azərbaycan Daxili İşlər Nazirliyi paytaxt Bakıda keçirilən əməliyyat tədbirləri nəticəsində Rusiya vətəndaşlarından ibarət iki mütəşəkkil cinayətkar qrupun məhv edildiyini açıqlayıb.
Azərbaycanın bu addımlarına cavab olaraq Rusiya da Azərbaycan diasporunun önəmli simalarından olan Şahin Şıxlinskinin saxlanıldığı anların görüntülərini yayıb.
Görüntülərdə Rusiya təhlükəsizlik qüvvələrinin Şıxlinskinin maşınına çəkiclə pəncərəni sındıraraq müdaxilə etməsi, geriyə dönmə manevri zamanı avtomobilin mühafizəçini vurması, daha sonra isə sərnişinlərin zorla maşından çıxarılması əks olunub.
İki ölkə arasında münasibətlərdə ilk gərginlik 2024-cü il dekabrın 25-də Azərbaycan sərnişin təyyarəsinin Rusiya hava məkanında olarkən yerdən atəşə tutulması və Qazaxıstanın Aktau şəhəri yaxınlığında qəzaya uğraması ilə baş verib.
Hadisədən sonra Bakı rəhbərliyi Moskvadan üzr istəməsini və günahkarların cəzalandırılmasını tələb etsə də, bu tələb yerinə yetirilməyib.
Daha sonra Azərbaycan “Rus evi” kimi tanınan Rus Mədəniyyət Mərkəzinin fəaliyyətini dayandırıb.
Mənbə: İlkha