Bugun.tv – in əldə etdiyi xəbərə görə, Bakıda fiziki məhdudiyyətli şəxslər üçün moda dəfiləsi keçirilib. Moda dəfiləsi Almaniya və Fransanın Azərbaycandakı səfirliklərinin dəstəyi ilə baş tutub.
Almaniyanın Azərbaycandakı səfiri Ralf Horleman mərasimində çıxışı edib . O, bildirib ki, bu şounun ölkələr arasında dostluq sazişinin (Yelisey müqaviləsi) imzalanmasının ildönümündə keçirilməsi xüsusi əhəmiyyət kəsb edir: “Əlilliyi olan şəxslərin sosial həyatda başqaları ilə bərabər şəkildə təmsil olunması üçün inklüziv moda dəfiləsinin keçirilməsi vacibdir”,- deyə R.Horleman vurğulayıb.
Daha sonra Fransanın Azərbaycandakı səfiri Ann Buayon çıxış edib. A.Buayon bildirib ki, ilham verici, çox innovativ layihədir və Fransa üçün çox vacibdir: “Həm Azərbaycanda, həm də Avropada ətrafdakıların fiziki məhdudiyyətli insanlara münasibətinin dəyişdirilməsi çox vacibdir”,- deyə A.Buayon əlavə edib.
Qeyd edək ki, “KEKALOVE Adaptive Fashion” fiziki məhdudiyyətli şəxslər üçün Azərbaycan geyim brendidir. Brendin təsisçiləri tələbə Məhəmməd Kekalov və dizayner Rəşidə Əliyevadır.
