Saat 12 radələrində bir nəfər naməlum şəxs Yasamal rayonu ərazisindəki banka gəlib. Əlindəki dəmir linglə oranın işçilərini hədələyərək pul tələb edib. DİN-in Baş Mühafizə İdarəsinin əməkdaşları tərəfindən həmin şəxs zərərsizləşdirilib.
Onun Şirvan şəhər sakini, daha əvvəl məhkum olunmuş 33 yaşlı İmran Əhmədov olması müəyyən edilib. Saxlanılan şəxsin üzərindən bir ədəd qaz tapançası, bir bıçaq və istifadə etdiyi dəmir ling polis tərəfindən götürülüb.
Bugun.tv xəbər verir ki, bu barədə Daxili İşlər Nazirliyinin (DİN) mətbuat xidməti məlumat yayıb.
Faktla bağlı Yasamal RPİ-də araşdırmalara başlanılıb.