Bugun.tv xəbər verir ki, Banqladeşin cənub-şərqində musson yağışlarının yaratdığı daşqınlarda ölənlərin sayı 57-yə yüksəlib.
Meteoroloqlar yağışların daha 2 gün davam edəcəyini və çaylarda daşqınların ola biləcəyini xəbər edib.
Banqladeş Fəlakət İdarəsi Nazirliyindən verilən açıqlamada, musson yağışlarının səbəb olduğu daşqınlardan təxminən 1 milyon insanın zərər çəkdiyi bildirilib.
Qeyd olunub ki, daşqınlar nəticəsində çoxlu torpaqlar və yüzlərlə ev zərər görsə də, dəymiş ziyanın qiymətləndirilməsi bir həftədən çox çəkə bilər.
Banqladeşdə, ümumiyyətlə, iyun-sentyabr aylarında müşahidə edilən musson yağışları səbəbindən hər il minlərlə insanın həyatı mənfi təsirlənir.
Daşqından zərər çəkmiş ərazilərdə axtarış-xilasetmə işləri davam edir.