Qatar qəzasında 8 nəfər ölüb, 60 nəfər yaralanıb Hindistanın Qərbi Benqal əyalətində qatarın qəzaya uğraması nəticəsində 8 nəfər ölüb, təxminən 60 nəfər yaralanıb.
Hindistanın Qərbi Benqal əyalətində baş verən qatar qəzasında 8 nəfər ölüb, 60-a yaxın adam yaralanıb.
Hadisə səhər saatlarında Yeni Jalpaiquri bölgəsində yük qatarı ilə sərnişin qatarının toqquşması nəticəsində baş verib. Toqquşmadan sonra sərnişin qatarının 3 vaqonu relsdən çıxıb, 1 vaqon havada asılı qalıb. Hadisə yerinə çoxlu axtarış-xilasetmə qrupu və təcili yardım maşınları göndərilib.
Səlahiyyətlilər qəzanın “insan səhvi” ucbatından baş verdiyini bildirərək, ətraflı araşdırmaya başlanıldığını açıqlayıb.
İlkin araşdırmalara görə, yük qatarının maşinistinin siqnala məhəl qoymadığı bildirilib. Digər tərəfdən, keçən il Hindistanın Orissa əyalətində üç qatarın iştirakı ilə baş verən qəzada təxminən 290 nəfər ölüb, mindən çox adam yaralanıb.
Mənbə: TGRT