6 C
Baku
19 Dekabr 2024, 23:06
Baş xəbərSosial

Baş Dövlət Yol Polisi İdarəsinin təbriki

Bugun.tv xəbər verir ki, DİN-in Baş Dövlət Yol Polisi İdarəsinin Ramazan bayramı ilə əlaqədar əhaliyə müraciət edib.

“DİN-in Baş Dövlət Yol Polisi İdarəsi qarşıdan gələn Ramazan bayramı münasibətilə xalqımızı təbrik edir, hər bir hərəkət iştirakçısına təhlükəsiz yol arzulayır!”

Bununla yanaşı, bayram günləri ilə əlaqədar qeyri-iş günlərində avtonəqliyyat vasitələrində səfərə çıxanların sayının əhəmiyyətli dərəcədə artacağını nəzərə alaraq, sürücü və sərnişinlərdən bir sıra qaydalara ciddi əməl etmələrini xahiş edib.

Eyni zamanda bildirilib ki, ilk növbədə səfərə hazırlaşan sürücülər bayram günlərində xoşagəlməz hadisələrin yaşanmaması üçün nəqliyyat vasitələrinin sazlığına diqqət yetirməli, hərəkət zamanı təhlükəsizlik kəmərini bağlamalı, sərnişinlər də bu qaydaya sözsüz əməl etməlidirlər.

“Dəyərli sürücülər, yorğun, yuxusuz halda sükün arxasına əyləşməkdən çəkinin, uzaq məsafə qət edərkən DYP-nin stasionar postlarında yaradılan şəraitdən istifadə etməklə qısa müddətli olsa da istirahət edin.

Unutmayın ki, sürət rejiminə, ötmə və manevr etmə qaydalarına ciddi riayət etmək, yol və hava şəraitini düzgün qiymətləndirmək həm özünüzün, sərnişinlərinizin, həm də digər hərəkət iştirakçılarının təhlükəsizliyi üçün vacib şərtdir”.

Aynur Camal

Oxşar xəbərlər

Mütəxəssis-ekspert respirator viruslarla bağlı gələn sualları cavablandırıb

Aynur Camal

Səmərqənddə TDT liderlərinin şərəfinə rəsmi qəbul təşkil olunub

Nigar Məmmədova

Maşın dayanmış polis maşınına dəydi: 3 nəfər yaralandı

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu