Son günlər sosial şəbəkələrdə və bəzi informasiya agentliklərində Hacı Şahinin ölümü ilə bağlı cinayət işi açıldığı söylənilir.
Bugun.tv olaraq məsələyə aydınlıq gətirmək istədik. Bu məqsədlə Baş Prokurorluqla əlaqə yaratdıq. Qurumun mətbuat xidmətinin rəhbəri Saleh Hacıyev bildirdi ki, istənilən ölüm faktı baş verdikdə həmin hadisənin qeydiyyatı aparılır. “Şahin Həsənlinin ölümü ilə bağlı Yasamal rayon prokurorluğunda araşdırma gedir. Amma bu heç də hansısa cinayət işinin açılması, cinayət işinə başlanması anlamına gəlməməlidir. Bu adi araşdırmadı. Prokurorluqda onlarla belə araşdırma aparılır. Onlardan biri də Şahin Həsənlinin ölümü ilə bağlı daxil olan məlumatdır”. Sitatın sonu.