Bugun.tv xəbər verir ki, Co Bayden ABŞ Administrasiyasının çərşənbə axşamı elan etdiyi Ukraynaya 300 milyon dollarlıq hərbi yardım paketinin yetərli olmadığını bildirib.
“Bu gün Birləşmiş Ştatlar əvvəllər təsdiqlənmiş Pentaqon müqavilələrindən qənaət etməklə Ukrayna üçün təcili yardım paketi elan edir. Paketə hərbi sursatlar və mərmilər daxildir […], mənim Konqresdən daha çox pul istəmədən bunu etmək səlahiyyətim var”. dövlət başçısı bildirib.
O qeyd edib ki, ötən il o, ABŞ qanunvericilərinə müraciət edərək Ukraynaya əlavə yardımın təsdiqini tələb edib.
“Mən daha çox pul istədim. Ona görə də bu gün elan etdiyimiz şey demək olar ki, kifayət deyil. Konqres indi Ukrayna üçün fövqəladə maliyyələşdirməni ehtiva edən ikipartiyalı milli təhlükəsizlik qanun layihəsini qəbul etməlidir”, – ABŞ lideri bildirib.
Bayden “Biz sözün əsl mənasında çox gec olmadan hərəkət etməliyik” deyib. Əlavə edib ki, ABŞ-ın Polşa qarşısında öhdəlikləri sarsılmazdır.
Baydendən sonra çıxış edən Duda NATO-ya üzv dövlətləri müdafiə xərclərini ÜDM-nin 3%-ə çatdırmağa çağırıb.
Müxbir Qaytən Qasımzadə
Mənbə tass